Aut na boi nian Tuhan, madabu sian langit-Mi, hepeng sakoper godang na. Ingkon hutuhor jabu i di hami. Ai i do inganan nami, i do pansarian ni dainang nami, sian i do Tuhan hami boi mangolu, marsikkola. Disi hian do hami sai marpungu na saleleng on, hami na saompung. Alai ingkon songonon do hape, ingkon do digadis jabu i. Ai i do hape dalan na asa boi mulak mardame hami na saompung. Molo i do lomo ni rohaM Tuhan, sai saut ma i. Molo pe gabe mago dohot di pansarian ni dainang i, so pola mahua i Tuhan. Huboto do na Parasi roha Ho Tuhan, ala ni i hupasahat tu tanganMu sude na solhot di rohangkon, huboan diringku, dainang i ro di sude iboto dohot anggiku tu adopan Mu. Ramoti hami di pardalanan ni ngolu nami. Sai saut ma lomo ni rohaMi di hami, Tuhan. Ai Ho do nampuna hami. Mauliate hupasahat tu Ho ale Debatangku... Amen.
Tidak ada komentar:
Posting Komentar